आमाछोरा मिलेर वडा सचिवमाथि खुकुरी प्रहार
सिन्धुपाल्चोक - जग्गा विवादमा छलफलका लागि गएका वडा सचिवलाई आमाछोरा मिलेर खुकुरी प्रहार गरेका छन् । शुक्रबार साँझ खुकुरीले टाउकोमा चोट लागि सिन्धुपाल्चोकको जुगल गाउँपालिका १ का वडासचिव क्षेत्रविक्रम सिलवाल घाइते भएका छन् ।
जुगल गाउँपालिका १, तोरीबारीका सञ्चलाल तामाङकी श्रीमती लालमाया तामाङ (बर्ष ५२) र छोरा दावा लामा(बर्ष २७) ले वडासचिव सिलवाललाई खुकुरी प्रहार गरेको जिल्ला प्रहरी कार्यालय सिन्धुपाल्चोकले जनाएको छ ।
घाइते सिलवालको अवस्था सामान्य छ । उनको स्थानीय स्वास्थ्य संस्थामा प्राथमिक उपचारपछि थप उपचारका लागि चौतारा अस्पताल लगिएको छ ।
प्रहरीले घटनामा प्रयोग भएको हतियार सहित दुवैजनालाइ पक्राउ गरि थप अनुसन्धान गरिरहेको जनाएको छ ।
प्रकाशित मिति: शुक्रबार, माघ २५, २०८१ २२:१०
प्रतिक्रिया दिनुहोस्
थप सुरक्षा/अपराध
साताको लोकप्रिय
-1745942489.png)
