काठमाडौं - राष्ट्रिय स्रष्टा तथा प्रस्तोता प्रतिष्ठानले राष्ट्रलाई कला र सङ्गीतको माध्यमबाट विशिष्ट योगदान पुर्‍याएका तीन जना विशिष्ट साधकहरूलाई ‘विशिष्ट साधक सम्मान–२०८२’ प्रदान गरेको हो ।

सम्मानबाट वरिष्ठ नृत्य निर्देशक एवं लोकनृत्य मञ्चका प्रवर्तक भैरव बहादुर थापा, वरिष्ठ गायिका एवं साहित्यकार चन्द्रकला शाह र वरिष्ठ लोक गायक तथा सङ्कलक रेशम थापा सम्मानित भएका हुन् ।

संस्थाको स्थापनाकालसँगै प्रदान गरिँदै आएको विशिष्ट साधक सम्मानको यो तेस्रो संस्करण हो। पहिलो संस्करण २०८० मा विशिष्ट साधक सम्मानबाट खड्ग गर्बुजा, चैत्य देवी र शशी बिक्रम शाह सम्मानित भएका थिए भने २०८१ मा भैरव रिसाल, माणिकरत्न स्थापित र प्रदिप कुमार उपाध्याय सम्मानित भएका थिए ।  पुरस्कार राशी भने ५५५५ नगद, दोसल्ला र सम्मान पत्र छ ।

पुरस्कृत एवं सम्मानित स्रष्टाहरूले आफ्नो मन्तव्य राख्दै स्रष्टाहरूको निवासमै पुगेर गरिने यो प्रकारको सम्मान नौलो र विशेष एवं तारिफयोग्य रहेको बताए ।

कार्यक्रममा संस्थाका सल्लाहकार रमेश दाहाल, वरिष्ठ सङ्गीतकार एवं गायक कमल अधिकारी, संस्थाका अध्यक्ष नारायण बहादुर थापा, वरिष्ठ उपाध्यक्ष दीपक शर्मा, उपाध्यक्ष सुजता केसी, महासचिव सनम कठायत, सचिव रिता केसी, कोषाध्यक्ष प्रतीक्षा काफ्ले, सदस्यहरू वीरेन्द्र भाट विपिन, मनोज परियार, डेभिड शङ्कर, सुभाष तिम्सिना, कोपिला सिवाकोटी, प्रमोद डिजी र विक्रान्त आचार्य लगायतको उपस्थिति रहेको थियो।