सिन्धुपाल्चोक - सशस्त्र प्रहरी बल नेपाल नम्बर १६ गण हेडक्वार्टर सिन्धुपाल्चोकको परिसरमा कृत्रिम घटनामा आधारित भिड नियन्त्रण तथा कर्फ्यु सम्बन्धी संयुक्त अभ्यास कार्यक्रम सम्पन्न भएको छ।

कार्यक्रममा सिन्धुपाल्चोक जिल्लाका प्रमुख जिल्ला अधिकारी बन्धुप्रसाद बास्तोलाको प्रमुख आतिथ्य रहेको थियो। यस्तै बागमती प्रदेश प्रहरी कार्यालयका प्रमुख प्रहरी नायव महानिरीक्षक अरुण पौडेल र सशस्त्र प्रहरी बल, नेपाल नम्बर ३ गढीमाई बाहिनी मुख्यालय मकवानपुरका बाहिनी पति सशस्त्र प्रहरी नायव महानिरीक्षक अञ्जनी कुमार पोखरेल विशेष अतिथि रहेको थियो । 

सशस्त्र प्रहरी बल नेपाल नं.१६ गण हेडक्वाटर सिन्धुपाल्चोक र जिल्ला प्रहरी कार्यालय सिन्धुपाल्चोकको संयुक्त सहभागितामा सम्पन्न उक्त अभ्यासमा भिड नियन्त्रण र कर्फ्यु व्यवस्थापनसँग सम्बन्धित तालिम दिइएको हो ।

कार्यक्रममा जिल्ला सुरक्षा समितिका पदाधिकारी, स्थानीय सञ्चारकर्मी र अन्य सुरक्षाकर्मीहरूको पनि उपस्थिति रहेको थियो।