प्रहरी देख्नासाथ एमजी ट्रामाडोल हाईड्रोक्लोराईड नामक लागूऔषध छाडेर भागे दुई व्यक्ति
रौतहट- पर्सा सशस्त्र प्रहरीले ट्रामोल ५० एमजी ट्रामाडोल हाईड्रोक्लोराईड नामक लागू औषध बरामद गरेको छ ।
सशस्त्र प्रहरी बल नेपाल नम्बर १३ गण हेड क्वार्टर पर्साबाट खटिएको गस्ती टोलीले वीरगञ्ज महानगरपालिका वडा नम्बर २ स्थित भकुवा नाकाबाट ८१ हजार ४९० ट्याब्लेट बरामद गरेको हो ।
भारतबाट अवैध रूपमा टाउकोमा बोकेर नेपालतर्फ आइरहेका दुई जना व्यक्ति गस्ती टोलीलाई देख्नसाथ लागू औषध छाडेर भागेको पर्साका सशस्त्र प्रहरी नायब उपरीक्षक देवेन्द्र बहादुर सिंहले बताए ।
फरार रहेका तस्करहरूको खोजी कार्य जारी रहेको उनको भनाइ छ । बरामद गरिएको लागू औषध आवश्यक कारबाहीका लागि जिल्ला प्रहरी कार्यालय पर्सामा बुझाइएको छ । यस घटनाका बारेमा आवश्यक अनुसन्धान भैरहेको पर्सा प्रहरीले जनाएको छ ।
प्रकाशित मिति: मंगलबार, जेठ ६, २०८२ २१:३०
प्रतिक्रिया दिनुहोस्
थप सुरक्षा/अपराध
साताको लोकप्रिय
