सिरहा - लहान नगरपालिका–२२ सलोखरीबाट प्रहरीले पुरानो पेस्तोलसहित तीन जनालाई पक्राउ गरेको छ।

प्रहरी चौकी सितापुरबाट खटिएको गस्ती टोलीले सबरजीत दासलाई चेकजाँच गर्ने क्रममा ९ एमएम जस्तो देखिने म्याग्जिनसहितको पुरानो पेस्तोल बरामद गरेको प्रहरीले जनाएको छ।

घटनामा संलग्न गुरुदेव दास र संजय दासलाई समेत नियन्त्रणमा लिइएको छ।

प्रहरीले तीनै जनालाई थप अनुसन्धान तथा आवश्यक कानुनी प्रक्रियाका लागि इलाका प्रहरी कार्यालय लहान पठाएको जनाएको छ।