एजेन्सी - इजरायल–हमास युद्धका कारण विस्थापित भएका गाजाका लाखौं प्यालेस्टिनीहरू शौचालयको चरम अभाव झेलिरहेका छन्।

दक्षिणी गाजाका धेरै परिवारले सार्वजनिक शौचालयको अभाव र असुरक्षाका कारण पालभित्रै अस्थायी शौचालय निर्माण गरेका छन्।

करिब १७ लाख विस्थापित नागरिक अस्थायी शिविरमा बसिरहेका छन्, जहाँ सरसफाइ, ढल निकास र शौचालयजस्ता आधारभूत सुविधा पर्याप्त छैनन्।

सार्वजनिक शौचालयमा लामो लाइन, गोपनीयताको अभाव र असुरक्षाले विशेषगरी महिला तथा बालबालिकालाई बढी प्रभावित बनाएको छ।

मानवीय सहायता संस्थाहरूले कमजोर सरसफाइका कारण संक्रामक रोग फैलिने जोखिम बढेको चेतावनी दिएका छन्। युद्ध र पूर्वाधार ध्वस्त हुँदा गाजाका नागरिक आधारभूत आवश्यकतासमेत पूरा गर्न संघर्षरत छन्।