काठमाडौं -  सर्वोच्च अदालतले मधेस प्रदेशका मुख्यमन्त्री सरोज यादवलाई २४ घण्टाभित्र विश्वासको मत लिन आदेश दिएको छ ।

सर्वोच्च अदालतका न्यायाधिशद्धय नित्यानन्द पाण्डेय र हरिप्रसाद फुयाँलको संयुक्त इजलासले मुख्यमन्त्री यादवले २४ घण्टाभित्र विश्वासको मत प्राप्त गर्न नसकेमा संविधानको धारा १६८ को २ बमोजिम सरकार गठन गर्न परमादेश जारी गरेको हो । 

गैर संवैधानिक ढङ्गले यादवको नियुक्ति भएको भन्दै ७३ जना सांसदहरूले पेस गरेको रिट निवेदनमा सर्वोच्च अदालतले यस्तो आदेश गरेको हो ।