सिन्धुपाल्चोक -  सिन्धुपाल्चोकको बलेफी गाउँपालिका १ जलबिरेमा पहिरोमा परि  २ जना बालिका बेपत्ता भएका छन् । आज दिउँसो  ४:४५ बजे सिन्धुपाल्चोक बलेफी गा.पा. १ जल बिरे स्थित बलेफी ढाडे भित्री सडक खण्डमा  चौतारा साँगाचोकगढी न.पा. २ भोटे फुल्पिङकी  १७ वर्षीय फुलमाया लामा र उनकी ५ वर्षीय बहिनी  मनमाया लामा पहिरोमा परि बेपत्ता भएका हुन् । 

इलाका प्रहरी कार्यालय जलिबरेबाट प्रहरी निरीक्षक गजेन्द्र रावतको कमान्डमा १० जना  टोली खटी  खोजतलास भइरहेको  जिल्ला प्रहरी कार्यालय सिन्धुपाल्चोकले जनाएको छ । तर हालसम्म फेला नपरेको जिल्ला प्रहरी कार्यालय सिन्धुपाल्चोकले जनाएको छ । उनीहरू सिन्धुपाल्चोकको जुगल गाउँपालिका २ गोल्छे स्थित मामाघरमा पैदल जाँदै गर्दा  सडकमाथि भिरबाट खसेको लेदो सहितको पहिरोमा परेका थिए ।