मकवानपुर - भरतपुरको सिमल तालबाट एउटा भारतीय नम्बर प्लेटको मिनी ट्रक त्रिशूली नदी किनारमा खसको छ । जिल्ला प्रहरी कार्यालय चितवनले नारायणगढ–मुग्लिङ सडक खण्ड अन्तर्गत पर्ने भरतपुर २९ सिमल तालबाट मिनी ट्रक त्रिशूली नदी किनारमा खसेको  जनाएको छ। 

नारायणगढबाट काठमाडौँतर्फ आउँदै गरेको यूपी ३२ जेड एन ७८८३ नम्बरको मेवा बोकेको मिनी ट्रक त्रिशूली नदी किनारमा खसेको हो । प्रहरीका अनुसार ट्रक आफैँ अनियन्त्रित भएर सडकबाट ८० मिटर तल खसेको हो । 

सो दुर्घटनामा ट्रक चालक भारतको लखनउ बस्ने २१ वर्षीय आशिक यादव र सहचालक २० वर्षीय उत्तर सिंह घाइते भएका छन् । उनीहरू दुवैको भरतपुर अस्पतालमा उपचार भइरहेको छ ।