भारत - भारतीय प्रान्त पश्चिम बङ्गालको राजधानी कोलकाताकाे एक हाेटलमा  आगलागी भएको छ ।  गए राति भएको  आगलागीमा परि कम्तीमा १४ जनाको मृत्यु भएको छ ।

नवभारत टाइम्सका अनुसार  मध्य कोलकाताको फलपट्टी मछुआ नजिकै घटना भएको हो । मंगलबार राति ८ः१५ बजेतिर ऋतुराज होटलमा आगलागी भएको हो। कोलकाताका प्रहरी आयुक्त मनोज कुमार वर्माका अनुसार घटनास्थलबाट १४ जनाको शव निकालिएको छ ।  उनले आगो नियन्त्रणमा आइसकेको र उद्धार कार्य जारी रहेको जानकारी दिए। यस विषयमा अनुसन्धानका लागि विशेष टोली पनि गठन गरिएको छ।