समानुपातिक तर्फ हालसम्म रास्वपाले पायो ४९ लाख मत, अरुको दलको कति ?

हर समय मंगलबार, फागुन २६, २०८२

समानुपातिक तर्फ हालसम्म रास्वपाले पायो ४९ लाख मत, अरुको दलको कति ?

काठमाडौं - समानुपातिक निर्वाचन प्रणालीतर्फ हालसम्म कुल एक करोड दुई लाख पाँच हजार ६२५ मतगणना हुँदा राष्ट्रिय स्वतन्त्र पार्टी (रास्वपा)ले सबैभन्दा बढी अर्थात् ४९ लाख २४ हजार ७४३ मत प्राप्त गरेको छ ।

निर्वाचन आयोगले उपलब्ध गराएको बिहान ५:३० बजेसम्मको विवरणअनुसार नेपाली काँग्रेसले १६ लाख ६६ हजार ७९६, नेकपा (एमाले)ले १३ लाख ८५ हजार १४९, नेपाली कम्युनिष्ट पार्टीले ७ लाख ४८ हजार २५९, श्रम संस्कृति पार्टीले ३ लाख ४६ हजार ७७६, राष्ट्रिय प्रजातन्त्र पार्टीले ३ लाख २१ हजार ९७६ मत प्राप्त गरेको छ ।

यस्तै, जनता समाजवादी पार्टी नेपालले एक लाख ६८ हजार २६६, राष्ट्रिय परिवर्तन पार्टीले १ लाख ६३ हजार ३९३ र जनमत पार्टीले ७५ हजार ९८ मत प्राप्त गरेको छ ।

हालसम्म रास्वपा, काँग्रेस, एमाले, नेकपा, श्रम संस्कृति र राप्रपाले थ्रेसहोल्ड कटाइसकेका छन् ।

प्रत्यक्ष तर्फका १६५ वटै क्षेत्रको नतिजा सार्वजनिक भइसकेको छ । प्रत्यक्षतर्फ रास्वपाले १२५, नेपाली काँग्रेसले १८, एमालेले ९, नेकपाले ८, श्रम संस्कृति पार्टीले ३ र राष्ट्रिय प्रजातन्त्र पार्टीले १ सिट जितेको छ ।

समानुपातिकतर्फ कुन दलको कति मत

राष्ट्रिय स्वतन्त्र पार्टी ४९,२४,७४३

नेपाली काँग्रेस १६,६६,७९६

नेकपा एमाले १३,८५,१४९

नेपाली कम्युनिस्ट पार्टी ७,४८,२५९

श्रम संस्कृति पार्टी ३,४६,७७६

राष्ट्रिय प्रजातन्त्र पार्टी ३,२१,९७६

जसपा, नेपाल १,६८,२६६

राष्ट्रिय परिवर्तन पार्टी १,६४,३९३

जनमत पार्टी ७५,०९८

एकल चिन्ह चकिया (जाँतो) राष्ट्रिय मुक्ति पार्टी नेपाल/जनता समाजवादी पार्टी/नागरिक उन्मुक्ति पार्टी, नेपाल) ६०,३५२

नेपाल मजदुर किसान पार्टी ४१,८३५