काठमाडौं- नेपालले त्रिदेशीय मैत्रीपूर्ण फुटबलअन्तर्गत आज इरानसँग प्रतिस्पर्धा गर्दै छ । नेपाली महिला फुटबल टोली र इरानको महिला टोलिबिच आज खेल हुन लागेको हो ।

यो खेल भारतमा हुनेछ । भारतको सिलोङस्थित जवाहारलाल नेहरु रंगशालामा नेपाली समयानुसार बेलुका ६:१५ बजे सुरुबाट खेल हुनेछ ।

कप्तान सावित्रा भण्डारीले नेपाली टिम इरानविरुद्ध चुनौती पेस गर्न तयार रहेको बताएकी छन् । प्रतियोगिताको लागि मुख्य प्रशिक्षक नवीन न्यौपानेको नेतृत्वमा २३ सदस्यीय नेपाली टोली बुधबार भारत पुगेको थियो ।

नेपाल र इरानबिच ६ वर्षपश्चात् खेल हुन लागेको हो । २०१९ मा भएको उक्त खेलमा नेपालले इरानलाई ३-० गोलले हराएको थियो । त्यसबखत दुई गोल गरेकी भण्डारी अहिले टिम कप्तान् छिन् ।