काठमाडौं - प्रसिद्ध गीतकार एवं सञ्चारकर्मी दयाराम पाण्डे अन्तर्राष्ट्रिय नेपाली कलाकार समाज ‘इनास’को एसिया क्षेत्रीय समितिको संयोजकमा निर्वाचित भएका छन् । काठमाडौंमा आयोजित छैटौँ इनास ग्लोबल महाधिवेशन– २०८२ बाट पाण्डे एसिया संयोजकमा निर्विरोध निर्वाचित भएका हुन् ।

उनको कार्यकाल दुई वर्ष (२०२५–२०२७) को हुनेछ । उनी यसअघि इनास नेपालको अध्यक्ष थिए । इनास सन् २०१२ मा पोल्यान्डबाट सुरु भएको संस्था हो । नेपाली भाषा, साहित्य, कला, संस्कृति, सिनेमा, खेलकुदको संरक्षण र सम्बद्ध गर्ने उद्देश्यले स्थापना भएको इनास हाल विश्वका ७५ भन्दा धेरै राष्ट्रमा फैलिएको छ ।