Harsamaya
बसले साइकलयात्रीलाई ठक्कर दिँदा सोमबहादुरको मृत्यु
सांकेतिक तस्वीर : हर समय/Har Samaya

झापा - दमक–४ चियाबगानमा सवारी दुर्घटनामा परी साइकलयात्रीको मृत्यु भएको छ  । 

पूर्वपश्चिम राजमार्गमा उर्लाबारीबाट दमकतर्फ आउँदै गरेको प्रदेश नं १–०१–००१ ख ४३६३ नम्बरको यात्रुबाहक बसले दमकबाट ताराबारीतर्फ जाँदै गरेको साइकलयात्रीलाई आज बिहान  ठक्कर दिँदा दुर्घटना भएको हो । 

दुर्घटनामा परी साइकलयात्री दमक–४ घरघरेका ६० वर्षीय सोमबहादुर विकको मृत्यु भएको प्रहरी नायब उपरीक्षक खगेन्द्रबहादुर खड्काले जानकारी दिए । 

दुर्घटनामा परी गम्भीर घाइते भएका विकलाई उपचारका लागि दमक अस्पतालमा उपचारका क्रममा मृत्यु भएको खड्काले बताए । 

दुर्घटनामा परेको बस र मकवानपुर हेटौँडा उपमहानगरपालिका–७ का ४७ वर्षीय बस चालक राजेन्द्र गौतमलाई प्रहरीले नियन्त्रणमा लिई अनुसन्धान भइरहेको प्रहरीले जनाएको छ ।

प्रकाशित मिति: शनिबार, साउन १०, २०८२  ११:०६
प्रतिक्रिया दिनुहोस्
Weather Update