काठमाडौं - राष्ट्रपति रामचन्द्र पौडेलले सर्वोच्च अदालतमा ३ जना न्यायाधीश  नियुक्त गरेका छन् ।  राष्ट्रपति रामचन्द्र पौडेलले  सर्वोच्च अदालतको न्यायाधीशमा  मेघराज पोखरेल, शान्तिसिंह थापा र श्रीकान्त पौडेललाइ नियुक्त गरेका छन् । संघीय संसद अन्तर्गतको संसदीय सुनुवाइ समितिले सर्वोच्च अदालतका लागि  तीन जना न्यायाधीशको नाम अनुमोदन गरे पछि राष्ट्रपतिले उनीहरूलाई नियुक्त गरेका हुन् । 

सर्वोच्च अदालतको न्यायाधीशमा अनुमोदन भएका थापा र पौडेल उच्च अदालतका मुख्य न्यायाधीशको जिम्मेवारीमा रहेका थिए भने पोखरेल वरिष्ठ अधिवक्ताको रूपमा रहेका थिए ।