मन्त्रीहरूले एक महिनाको तलब विपद् कोषमा जम्मा गर्ने
काठमाडौं - सरकारले प्रधानमन्त्री तथा मन्त्रिपरिषद्का सम्पूर्ण सदस्यको एक महिनाको तलब तथा पारिश्रमिक प्रधानमन्त्री दैवी प्रकोप उद्धार कोषमा जम्मा गर्ने निर्णय गरेको छ।
प्रधानमन्त्री तथा मन्त्रिपरिषद् कार्यालयमा आज बसेको मन्त्रिपरिषद् बैठकले उक्त निर्णय गरेको हो।
बैठकले रसुवागढी, भोटेकोशी नदी तथा तल्लो तटीय क्षेत्रमा गत बुधबार आएको बाढीबाट प्रभावित जिल्लामा क्षति पुगेका व्यक्ति तथा व्यावसायिक संस्थाका लागि सहुलियत तथा पुनःस्थापना प्याकेज तयार गर्न अर्थ मन्त्रालयलाई निर्देशन दिने निर्णय पनि गरेको छ।
यस्तै, भारतबाट सरकार–सरकार (जिटुजी) माध्यमबाट २५ हजार मेट्रिक टन डिएपी मल खरिद गर्न कृषि सामग्री कम्पनी लिमिटेडलाई सैद्धान्तिक स्वीकृति दिने निर्णय गरेको छ।
प्रकाशित मिति: शुक्रबार, भदौ १२, २०८३ १४:५१
प्रतिक्रिया दिनुहोस्
साताको लोकप्रिय
