रास्वपाको महाधिवेशन लम्बिएपछि प्रतिनिधिसभाको बैठक सर्यो
काठमाडौं - प्रतिनिधिसभाको बैठक बस्ने दिन र समय परिवर्तन गरिएको छ। यसअघि असार ११ गते बिहीबार बिहान ११ बजे बस्ने तय भएको बैठक विशेष कारणवश निर्धारित समयमा बस्न नसक्ने भएपछि सारिएको हो।
प्रतिनिधिसभा नियमावली, २०७९ को नियम ६ को उपनियम (३) बमोजिम सभामुखसँगको समन्वयमा बैठक असार १२ गते शुक्रबार बिहान १ बजे बस्ने गरी पुनः निर्धारण गरिएको संघीय संसद् सचिवालयले जनाएको छ।
संघीय संसद्का महासचिव पद्म प्रसाद पाण्डेयद्वारा जारी सूचनामा बैठकको नयाँ मिति र समयबारे सम्माननीय सदस्यहरूलाई जानकारी गराइएको उल्लेख छ।
विशेष कारणवश भनेपनि रास्वपाको महाधिवेशनका कारण संसद बैठक स्थगित गरिएको थियो । महाधिवेशन लम्बिने भएपछि संसद बैठक स्थगितको समय पनि लम्बिएको छ ।
प्रकाशित मिति: बुधबार, असार १०, २०८३ १५:२२
प्रतिक्रिया दिनुहोस्
थप राजनीति
साताको लोकप्रिय
