मेरापिक बेसक्याम्पबाट फर्किने क्रममा प्रमिस राई बेपत्ता
काठमाडौं - सोलुखुम्बु जिल्लाको महाकुलुङ गाउँपालिका–१ स्थित मेरापिक हिमाल क्षेत्रको बेसक्याम्प आसपासबाट एक युवक हराएका छन् ।
सोलुखुम्बुकै सोताङ गाउँपालिका २ माझखर्क बस्ने गिरीराज राईका छोरा १६ वर्षिय प्रमिस राई सनवे होराईजन ट्रेक अफिसको सामानहरु बेसक्याम्पसम्म पुयाएर लुक्ला फर्किने क्रममा बैशाख १७ गते बेपत्ता भएका हुन् ।
राईसँगै सामान पुर्याउन गएका उनका साथी २९ बर्षिय राजकुमार राईले फर्किने क्रममा माप्य दुधकोशी गाउँपालिका ७ स्थीत छतर खोला आइपुग्दा अत्यधिक हिमपात भएर बाटो बिर्सिदा प्रमिस राई हराएको घरपरिवारलाई जानकारी गराएका थिए ।
घटनाबारे उनका साथी राजकुमार राईले परिवारलाई वैशाख १८ गते जानकारी गराएपछि प्रमिसका बुबाले इलाका प्रहरी कार्यालय सोताङमा निवेदन दिएका छन् । त्यसपछि प्रहरी टोली तत्कालै खोजीमा खटिएको छ ।
प्रकाशित मिति: सोमबार, वैशाख २१, २०८३ १०:४२
प्रतिक्रिया दिनुहोस्
साताको लोकप्रिय
-1777788926.jpg)
