काठमाडौं - प्रतिनिधि सभा सदस्य निर्वाचन अन्तर्गत झापा–१ मा ठुलो मतान्तरसहित निशा डाँगी निर्वाचित भएकी छन् । गत निर्वाचनमा नेपाली काँग्रेसका उपसभापति विश्वप्रकाश शर्मा निर्वाचित भएको स्थानमा डाँगीले सानदार जित हात पारेकी हुन् ।

उनले ४५ हजार ६८० मत ल्याउँदा नेपाली काँग्रेसका केशव राज पाण्डेले १० हजार ५५० मत मात्र ल्याउन सके। गत निर्वाचनमा शर्माले ३९ हजार ६२४ मत ल्याएका थिए।

तेस्रो स्थानमा श्रम संस्कृति पार्टीका केवल राम राई रहे । उनले १० हजार ४ मत ल्याए। नेकपा एमालेका रामचन्द्र उप्रेतीले ७ हजार ६५९ मत प्राप्त गरे।