बैतडी - बैतडीको मेलौली नगरपालिका-७ स्वाखानीमा जीप दुर्घटना भएको छ ।  गएराति भएको दुर्घटनामा परि एक जनाको मृत्यु भएको छ भने चार जना घाइते भएका छन् ।  शिवनाथबाट मेलालीतर्फ आइरहेको से१ज ७३२ नम्बरको जीप स्वाखानीमा बुधबार राति राति दुर्घटना भएको हो ।

गम्भीर घाइते भएका  २३ वर्षीय तुलसी पाण्डेयको केशरपुर प्राथमिक स्वास्थ्य केन्द्रमा उपचारका क्रममा आज बिहान मृत्यु भएको जिल्ला प्रहरी कार्यालयका प्रवक्ता बल्देव बडूले बताए ।

अन्य घाइतेहरूलाई थप उपचारका लागि डडेलधुरा अस्पताल पठाइएको छ ।