रौतहट - रौतहटको चन्द्रपुरमा रहेको एक टायल तथा ब्लक उद्योगमा आगलागी भएको छ । चन्द्रपुर नगरपालिका–४ मा रहेको घिमिरे टायल तथा ब्लक उद्योगमा शुक्रबार बिहान आगलागी भएको हो ।

 उद्योगभित्र अचानक आगो र धुवाँको मुस्लो स्थानीयवासीले  देखेपछि आगलागी भएको थाहा भएको प्रहरीले जानकारी दिएको छ । स्थानीयवासीका अनुसार बिहानै उद्योगभित्र अचानक आगो लागेको भएपनि के कारणले लागेको थाहा नभएको बताएका छन् । 

आगलागी फैलिन नदिनका लागि स्थानीय बासिन्दा र उद्योगका कामदारहरू मिलेर आगो नियन्त्रणमा लिने प्रयास गरिरहेका छन्।अहिले चन्द्रपुर नगरपालिकाको  दमकल सहितको टोली घटनास्थालमा पुगेको छ । 

आगलागीको कारण अहिले सम्म खुल्न नसकेको र यसबाट भएको  क्षतिको यकिन विवरण आउन बाँकी रहेको इलाका प्रहरी कार्यलय चन्द्रनिगाहपुरले जनाएको छ । आगो  नियन्त्रणमा आएपछि क्षतिको विवरण संकलन गरिने प्रहरीले जानकारी दिएको   छ । आगलागीबाट मानवीय क्षति नभएको जिल्ला प्रहरी कार्यालय रौतहटले जनाएको छ ।