काठमाडौं -  संघीय संसद अन्तर्गत आज तीन वटा संसदीय समितिका बैठक बस्दै छ। आज कानुन, न्याय तथा मानवअधिकार समिति, विधायन व्यवस्थापन समिति र सार्वजनिक नीति तथा प्रत्यायोजित विधायन समितिको बैठक बस्न लागेको हो । दिउँसो १ बजे बस्ने  कानुन, न्याय तथा मानवअधिकार समितिको बैठकमा  नेपाल कानुन व्यवसायी परिषद (दोस्रो संशोधन) विधेयक–२०८१ को सम्बन्धमा दफावार छलफल हुने कार्यसूची छ  ।

यस्तै बिहान सवा ११ बजे बस्ने  सार्वजनिक नीति तथा प्रत्यायोजित विधायन समितिको बैठकमा  राष्ट्रिय निकुञ्जहरूसँग सम्बन्धित नीतिगत समस्याहरू सम्बन्धी अध्ययन प्रतिवेदन– २०८२ माथि छलफल गर्ने कार्यसूची छ ।

त्यस्तै,विधायन व्यवस्थापन समितिको बैठकमा   जलस्रोत विधेयक– २०८१ मा सैद्धान्तिक छलफल गर्ने कार्यसूची छ ।