सुनसरी - सुनसरीको कोशी गाउँपालिकामा मोटरसाइकलको ठक्करबाट एक महिलाको मृत्यु भएको छ ।

असोज २६ गते दिउँसो करिब १ः५५ बजे कोशी गाउँपालिका–२ स्थित काली मन्दिर नजिकको भित्री सडकमा को २७ प २८५५ नम्बरको मोटरसाइकलले पैदलयात्री ४५ वर्षीया कौसिला यादवलाई ठक्कर दिएको थियो ।

कोशी गाउँपालिका–२ निवासी यादव मोटरसाइकलको ठक्करबाट घाइते भएकी थिइन् । उनलाई उपचारका लागि विराटनगरतर्फ लैजाने क्रममा दिउँसो ३ः१० बजे बाटोमै मृत्यु भएको हो ।

दुर्घटनापछि प्रहरीले मोटरसाइकल र चालक बराहक्षेत्र नगरपालिका–७ निवासी करिब २१ वर्षीय सुमन सदालाई नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।