काठमाडौं - रसुवास्थित भोटेकोशी नदीमा आएको विनाशकारी बाढीमा परी हालसम्म ६६८ जनाको शव फेला परेको नेपाल प्रहरीले जनाएको छ।
प्रहरीका अनुसार शनिबार अपराह्न ४ बजेसम्म फेला परेका शवमध्ये रसुवामा १३, धादिङमा ४९, गोरखामा ५४, नवलपरासी पूर्वमा १५८, नुवाकोटमा ८९, चितवनमा २४८, तनहुँमा ३१ र नवलपरासी पश्चिममा ७५ जनाको शव फेला परेको छ।
बाढी प्रभावित क्षेत्रमा ४ हजार ८५४ जना प्रहरी परिचालन गरिएको छ। हालसम्म २ हजार ३०१ जनाको उद्धार तथा घाइतेको व्यवस्थापन गरिएको प्रहरीले जनाएको छ। उद्धार गरिएकामध्ये रसुवाबाट ६७६, नुवाकोटबाट १ हजार ६२२ र धादिङबाट तीन जना रहेका छन्।
बाढीपछि २७ जना प्रहरी कर्मचारी अझै सम्पर्कविहीन रहेको प्रहरीको अद्यावधिक विवरणमा उल्लेख छ।
यस्तै, काठमाडौँ उपत्यकाका विभिन्न अस्पतालमा उपचाररत तथा उपचारपछि डिस्चार्ज भएका घाइतेको सङ्ख्या १४० जना रहेको प्रहरीले जनाएको छ।
