प्रहरी प्रमुखसँग मेरो व्यक्तिगत विवाद छैन - खगेन्द्र सुनार
काठमाडौं - रास्वपा सांसद खगेन्द्र सुनारले प्रहरी संगठन वा प्रहरी प्रमुखसँग आफ्नो कुनै व्यक्तिगत विवाद नरहेको बताएका छन् ।
शुक्रबार रास्वपा कार्यालय बनस्थलीमा सञ्चारकर्मीसंग कुरा गर्दै सांसद सुनारले संसदीय समितिमा उजुरी आएपछि सम्बन्धित व्यक्ति तथा अधिकारीहरूलाई बोलाएर छलफल गर्नु सामान्य र नियमित प्रक्रिया भएको उल्लेख गर्दै प्रहरी संगठन वा प्रहरी प्रमुखसंग आफ्नो कुनै व्यक्तिगत विवाद नरहेको बताएका हुन् ।
उनले मिडियाले दुई पक्षको विवाद भन्दै अनावश्यक प्रचार गरेकोमा आपत्ति जनाए । उनले रास्वपाको जन्म नै अराजकता र बेथितिको अन्त्य गर्दै सुशासन र भ्रष्टाचार विरुद्ध लड्नका लागि भएको धारणा राखे ।
बारामा भएको बालिका हत्याका विषयमा सांसद सुनारले दोषीमाथि हदैसम्मको कानुनी कारबाहीका लागि राज्य गम्भीर हुनुपर्ने उल्लेख गरे ।
प्रकाशित मिति: शुक्रबार, भदौ ५, २०८३ १९:४०
प्रतिक्रिया दिनुहोस्
साताको लोकप्रिय
