काठमाडौं - पछिल्लो २४ घण्टामा देशभर भएका सवारी दुर्घटनामा परी ३ जनाको मृत्यु भएको छ भने ७८ जना घाइते भएका छन्।
प्रहरीले सार्वजनिक गरेको विवरणअनुसार सबैभन्दा धेरै २८ जना मधेश प्रदेशमा घाइते भएका छन्। त्यस्तै लुम्बिनी प्रदेशमा २२, काठमाडौं उपत्यकामा १५, कोशी प्रदेशमा १२, बागमती प्रदेशमा ४, कर्णाली प्रदेशमा २ र सुदूरपश्चिम प्रदेशमा १ जना घाइते भएका छन्। गण्डकी प्रदेशमा भने यस अवधिमा घाइतेको विवरण शून्य रहेको छ।
मृतकको विवरणअनुसार कोशी प्रदेश, मधेश प्रदेश र लुम्बिनी प्रदेशमा एक–एक जनाको मृत्यु भएको छ। बागमती, गण्डकी, कर्णाली, सुदूरपश्चिम प्रदेश तथा काठमाडौं उपत्यकामा भने मृत्यु भएको छैन।
प्रदेशगत रूपमा हेर्दा मधेश प्रदेशमा सबैभन्दा बढी २८ जना घाइते भएका छन् भने त्यसपछि लुम्बिनीमा २२ र काठमाडौं उपत्यकामा १५ जना घाइते भएका छन्।
प्रहरीले वर्षायाममा सडक चिप्लो हुने, दृश्यता कम हुने तथा चालकको लापरबाहीका कारण दुर्घटनाको जोखिम बढ्ने भएकाले सवारी चलाउँदा विशेष सावधानी अपनाउन सबै चालकलाई आग्रह गरेको छ।
