दार्चुला - नेकपा (एमाले) का उम्मेदवार गणेशसिंह ठगुन्ना दार्चुला जिल्लाबाट प्रतिनिधिसभा सदस्यमा निर्वाचित भएका छन् । 

गत बिहीबार सम्पन्न प्रतिनिधिसभा सदस्य निर्वाचनको अन्तिम मतपरिणामअनुसार ठगुन्नाले १८ हजार ८९९ मत प्राप्त गर्दै विजय हासिल गरेका हुन् । मुख्य निर्वाचन अधिकृतको कार्यालयका अनुसार उनका निकटतम प्रतिस्पर्धी नेपाली कांग्रेसका धर्मानन्द जोशीले १५ हजार ८३६ मत प्राप्त गरे । 

यसैगरी राष्ट्रिय स्वतन्त्र पार्टीका उम्मेदवार राजेशसिंह सामन्तले ८ हजार ९३६ मत प्राप्त गरे भने नेपाल कम्युनिष्ट पार्टीका उम्मेदवार लक्ष्मण जोशीले ३ हजार ६५ मत प्राप्त गरे ।