स्याङ्जा - स्याङ्जाको वालिङ नगरपालिका–१० स्थित बाल ज्योति आधारभूत विद्यालयमा  रोकिएको मतदान फेरि सुरु भएको छ ।  निर्वाचन अधिकृतको हस्ताक्षर नभएको मतपत्र भेटिएपछि उत्पन्न विवादका कारण मतदान प्रक्रिया अवरुद्ध भएको थियो ।

मतदान केन्द्रमा १७१ मत खसिसकेपछि विवाद चर्किएको थियो । त्यसपछि तत्काल प्रयोगमा रहेका दुवै मतपेटिकालाई सिलबन्दी गरेर छुट्टै गणना गर्ने सहमति भएपछि मतदान पुनः सञ्चालन गरिएको निर्वाचन अधिकृत ऋषि पौडेलले जानकारी दिए ।

उनका अनुसार घटनाबारे निर्वाचन आयोगलाई जानकारी पठाइसकिएको छ । त्यसपछि प्रत्यक्ष र समानुपातिक दुवै तर्फका लागि नयाँ मतपेटिका राखेर मतदान प्रक्रिया अघि बढाइएको हो ।

७०१ मतदाता रहेको उक्त केन्द्रमा अहिले मतदाता मतदान गर्न लाइनमा बसिसकेका छन् ।