सिन्धुपाल्चोक -   बालिका बलात्कार गरेको आरोपमा प्रहरीले दुई शिक्षकलाई नियन्त्रणमा लिएको छ । 

बुधवार १२ वर्षीय बालिका बलात्कार गरेको आरोपमा चौतारा साँगाचोकगढी को - १२ जनजागृति माविमा कार्यरत दुई शिक्षकलाई  नियन्त्रणमा लिएको जिल्ला प्रहरी कार्यालयका प्रमुख काजीकुमार आचार्यले जानकारी दिए  । 

शिक्षक जितराज गिरी र सोही विद्यालयका प्रधानाध्यापकलाई नियन्त्रणमा लिएको उनले बताए । ती शिक्षकले सोही विद्यालयको कक्षा ७ मा अध्ययनरत बालिकालाई ललाइफकाई जबरजस्ती गरेको आरोप छ । 

सो घटना गाउँमा मिलापत्र गर्ने प्रयास गरे पनि बाहिर आएको हो । घटना बाहिरिएपछि पीडकलाई पक्राउ गर्न प्रहरीमाथि दबाब परेको थियो ।  गिरी माओवादी समर्थित शिक्षक सङ्गठनमा आबद्ध छन् । प्रहरी प्रमुख आचार्यले घटनाबारे थप अनुसन्धान भइरहेको बताए ।