काठमाडौं- नेपाली कांग्रेसको केन्द्रीय समिति बैठक पुनः सारिएको छ ।

पार्टी मुख्य सचिव कृष्णप्रसाद पौडेलले शनिबार साँझ विज्ञप्ती जारी गर्दै बैठक सरेको जानकारी दिए । पौडेलका अनुसार आइतबार दिउँसो २ बजेका लागि बोलाइएको बैठक सारिएको हो । विज्ञप्तीमार्फत उनले बैठक सोमबार दिउँसो २ बजे बस्नेगरी सारिएको जाकारी दिए । 

नेपाली कांग्रेसमा विशेष वा नियमित महाधिवेशन भन्ने रस्साकस्सी छ । सोही विवादका कारण पटक पटक पार्टी बैठक सर्दै आएको हो । सहमति जुटाउन बिहीबारबाट सभापति शेरबहादुर देउवा निवासमा निरन्तर बैठक बसेपनि सहमति जुट्न सकेको छैन ।