न्यायको बाटो अडेर हिँड्छौँ, 
अन्यायसँग कहिल्यै झुक्दैनौँ
डिजिटल होस वा घर होस्, 
हिँसा सहदै-सहन्नौँ ।

सशक्त आवाजहरू जोडिन्छन् 
एउटा प्रतिज्ञा लिएर आज,
आमा-छोरिको मर्यादा रक्षा, 
यो नै हाम्रो जीवन हो सच्चा ।

ज्ञानको ज्योति बालेर उठौँ, 
प्रविधिलाई सही बाटो दिन,
अधिकार खोस्ने हातलाई,
 सत्यले हराउछौँ एक दिन
डराउँदिन म, दब्दिन पनि, 
म बोल्न सक्ने आवाज हुँ,
अन्यायको पर्खाल भत्काउने, 
सुरक्षित भोलिको सन्देश हुँ ।

हिंसा गर्ने हातहरु रोकौँ, 
सहने संस्कार अब तोडौँ,
हाम्रा शब्दहरु अन्यायको विरुद्ध-
 वाण झैँ धारिलो बनाऔँ।

आफ्नो छोरी, आमाको आखाँबाट,
आँशु कहिल्यै नझरोस्,
सम्मान गर्ने हातहरु बढुन, 
हरेक हृदय उज्यालो बनोस् ।

१६ दिन मात्र होइन, 
सधैं चेत,चरित्र,
निर्माणको स्थायी मार्ग होस्
हिंसारहित समाज निर्माण-
हामी सबैको साझा गर्व र दायित्व बनोस् ।
 
      राधा पौडेल लम्साल
महिला तथा बाल-बालिका शाखा प्रमुख
       गैंडाकोट नगरपालिका