काठमाडौं - अग्रज कम्युनिष्ट नेता मोहनविक्रम सिंहले जेन जीको कुनै एजेण्डा नै नरहेको बताएका छन् । 

रुपन्देहीमा आयोजित पत्रकार सम्मेलनका क्रममा शुक्रवार उनले यस्तो बताएका हुन् । उनले जेन जीका नाममा अहिले धेरै मागहरु आइरहेको भएपनि कसैले प्रत्यक्ष कार्यकारी भन्ने गरेको र कसैले त्यसको विरोध गरिरहेको बताए । 

उनले कसैले पूर्ण समानुपातिक भन्ने गरेपनि केहीले त्यसको विरोध गरेको बताए । जेन जीको एउटै समूह नभएको र मन्त्री, प्रधानमन्त्री बनाउँदा समेत विरोध भएको बताए । जेन जी कुनै संगठित समूह नभइ भीड मात्रै भएको टिप्पणी गरे ।