बिहीबारदेखि रातीको समयमा मेची राजमार्ग बन्द हुने
काठमाडौं - जिल्ला प्रशासन इलामले बिहीबारदेखि रातीको समयमा मेची राजमार्ग बन्द गर्ने निर्णय गरेको छ । चक्रावात मोन्थालाई कारण देखाउँदै प्रशासनले राजमार्ग बन्द गर्ने सूचना जारी गरेको छ ।
प्रमुख जिल्ला अधिकारी भोलानाथ गुरागाईँले बुधबार विज्ञप्ति जारी गर्दै बङ्गालको खाडीमा विकसित चक्र वात 'मोन्था' का कारण कार्तिक १३ गते बिहीबार साँझ ७ बजेबाट बिहान ६ बजेसम्म राजमार्ग बन्द गरिने जानकारी दिए ।
जल तथा मौसम विभागले कार्तिक १३ देखि १५ गते शनिबार बिहानसम्म कोसी प्रदेशको इलाम जिल्ला लगायत देशका धेरै भू-भागहरूमा मौसम प्रभावित हुने देखिएको अनुमान आएको भन्दै राजमार्ग बन्द गर्ने निर्णयमा पुगेको उनले बताए ।
प्रकाशित मिति: बुधबार, कात्तिक १२, २०८२ २०:०५
प्रतिक्रिया दिनुहोस्
-1761748708.jpg)
साताको लोकप्रिय
