प्रधानमन्त्री कार्कीसँग विपिनका आमा र बहिनीको भेट

हर समय आइतबार, असोज ५, २०८२

प्रधानमन्त्री कार्कीसँग विपिनका आमा र बहिनीको भेट — विपिनका आमा पदमा र बहिनी पुष्पा ।

काठमाडौं - प्रधानमन्त्री सुशीला कार्कीसँग प्यालेस्टिनी समूह हमासको नियन्त्रणमा रहेका कञ्चनपुरका विपिन जोशीका आमा र बहिनीले भेट गरेका छन् ।

प्रधानमन्त्री तथा मन्त्रिपरिषद्को कार्यालयमा आज प्रधानमन्त्री कार्कीलाई भेटेर विपिनका आमा पदमा र बहिनी पुष्पाले विपिनको शीघ्र रिहाइका लागि कूटनीतिक पहल गरिदिन आग्रह गरेका हुन् ।

त्यस अवसरमा प्रधानमन्त्री कार्कीले विपिनको रिहाइका लागि सरकारले हरसम्भव प्रयास गर्ने बताएको भेटमा सहभागी परराष्ट्र सचिव अमृतबहादुर राईले जानकारी दिए ।

प्रकाशित मिति: आइतबार, असोज ५, २०८२ १८:३०