काठमाडौं - बागमती प्रदेशका खानेपानी, उर्जा तथा सिंचाई मन्त्री श्याम बहादुर खड्काले राजीनामा दिएका छन् । उनले मुख्यमन्त्री बहादुरसिंह लामालाई भेटेर राजीनामा दिएका हुन् । 

‘विविध कारणले आफ्नो जिम्मेवारी निरन्तर बहन गर्नसक्ने अवस्था नरहेकोले आजकै मितिदेखि बागमती प्रदेश सरकारको खानेपानी, उर्जा तथा सिँचाइ मन्त्रालयको मन्त्री पदबाट राजीनामा दिएको छु’, खड्काले राजीनामा पत्रमा उल्लेख गरेका छन् । 

नेपाली कांग्रेस बागमती प्रदेशको संसदीय दल बैठकलाई लिएर सत्ता समीकरण नयाँ मोडमा पुगेको छ । खड्का खुलेर मुख्यमन्त्री बहादुरसिंह लामा विरुद्ध जाने भएका छन् ।