काठमाडौं - नेकपा माओवादी  केन्द्रका अध्यक्ष पुष्पकमल दाहाल (प्रचण्ड) ले क्रान्तिकारी कम्युनिष्ट पार्टीका महासचिव मोहन वैद्य ‘किरण’ को स्वास्थ्य अवस्थाबारे जानकारी लिएका छन् ।

आइतबार सामाजिक सञ्जालमार्फत अध्यक्ष प्रचण्डले वैद्य ‘किरण’ निवासमा पुगेर स्वास्थ्य अवस्था क्रमशः सुधार हुँदै गएको देख्दा खुसी लागेको बताउँदै पूर्ण स्वास्थ्य लाभको कामना समेत गरे ।

उनले लेखेका छन्,‘आज कमरेड मोहन वैद्य ‘किरण’ जीसँग भेट्न उहाँकै निवासमा गएँ। स्वास्थ्य अवस्थामा क्रमशः सुधार हुँदै गएको देख्दा खुसी लाग्यो । उहाँको पूर्ण स्वास्थ्य लाभको कामना गर्दछु ।’