काठमाडौं - चीनबाट एकाएक आएको बाढीका कारण रसुवागढी क्षेत्रमा ९ जनाको मृत्यु भएको छ । बाढीले बगाएका उनीहरूको शव विभिन्न स्थानमा फेला परेको छ ।

मंगलबार बिहानको समयमा आएको बाढीले बगाएर ९ जनाको मृत्यु भएको प्रहरी प्रधान कार्यालयले जनाएको छ । यस्तै अन्य १९ जना अझै बेपत्ता छन् ।

प्रहरीका अनुसार बेपत्ता हुनेमा २ जना प्रहरी, ६ जना चिनियाँ नागरिक र १६ जना सर्वसाधारण छन् । 

यस्तै घटनामा फसेका ५७ जनाको उद्धार भएको छ । 

यस्तै प्रहरीले बाढीले नेपाल–चीन जोड्ने मितेरी पुल बगाएको जनाएको छ भने लोड गरिएको २४ वटा कन्टेनर डब्बा बगाएको छ । यस्तै ६ वटा सिनो ट्रक, ३५ वटा ईभी गाडी पनि बगाएको छ । 

यसैगरी भन्सार कार्यालय रसुवाको यार्डमा क्षति भएको छ भने रसुवागढी हााइड्रोपावरको ड्याममा पनि बाढीले क्षति गरेको छ ।