काठमाडौं - भारतीय रक्षामन्त्री राजनाथ सिंहले भारतीय सेनाले ‘सटीकता, सतर्कता र संवेदनशीलता’ का साथ पाकिस्तान विरुद्ध कारबाही गरेको बताएका छन्। सीमा सडक संगठनको स्थापना दिवसको अवसरमा आयोजित कार्यक्रममा बोल्दै उनले भने, ‘हाम्रा प्रधानमन्त्री नरेन्द्र मोदीको मार्गदर्शनमा हाम्रो भारतीय सेनाले सबै भारतीयहरूलाई गौरवान्वित बनाएको छ।’

भारतीय सेनाले नयाँ इतिहास रचेको उनले बताए ।  राजनाथ सिंहले भने, ‘भारतीय सेनाले सटीकता, सतर्कता र संवेदनशीलताका साथ कार्य गर्‍यो। निर्धारित लक्ष्यहरूलाई सटीकताका साथ र योजनाबद्ध योजना अनुसार नष्ट गरियो। कुनै पनि नागरिक स्थान वा नागरिक जनसंख्या प्रभावित नहोस् भनेर पनि संवेदनशीलता देखाइएको थियो।’

राजनाथ सिंहले रामायणको अशोक वाटिका प्रकरणको उल्लेख गर्दै भने ‘हामी (भारतीय सेना) हनुमान जीको आदर्शलाई पछ्याउँछौं,हामीले हाम्रा निर्दोष मानिसहरूलाई मार्नेहरूलाई मात्र मार्यौं।’