काठमाडौं - १८ वर्षीय मंजुर उरी भारत पाकिस्तान सिमा नजिकै आफ्नो घरको पहिलो तल्लामा सुतिरहेका थिए । त्यही बेला झ्यालबाट छर्रा पड्केर उनको हातमा चोट लाग्यो । उनलाई जम्मू कश्मीरको बारामुल्लामा रहेको एउटा अस्पताल लगियो । डाक्टरहरूले उनको गोली हटाउन शल्यक्रिया गर्नुपर्ने बताएका छन्। 

बद्रदीन नाइक र उनको परिवारका दुई घाइते सदस्यको पनि सोही अस्पतालमा उपचार भइरहेको छ। बुधबार बिहानको समयमा, नियन्त्रण रेखा नजिकै सलामाबादमा रहेको उनीहरूको घर नजिकै गोलाबारी भएको थियो र त्यसको दायरामा आउँदा उनीहरू घाइते भएका थिए।

नाइक र उनको आठ वर्षको बच्चाको टाउकोमा चोट लागेको थियो। ‘हाम्रा घरहरू क्षतिग्रस्त भए, तर भाग्यवश हामी बाँच्यौं,’ नाइक भन्छन्। उल्लेखनीय छ कि मंगलबार राति भारतले पाकिस्तान र पाकिस्तान प्रशासित कश्मीरका धेरै ठाउँमा हवाई आक्रमण गरेको थियो, जसमा पाकिस्तानी सैन्य प्रवक्ताका अनुसार २६ जना सर्वसाधारणको मृत्यु भएको थियो भने ४६ जना घाइते भएका थिए।

जम्मू कश्मीरको पुंछमा भारतीय सिमा नजिकै पाकिस्तानले गरेको गोलाबारीबाट कम्तीमा १० भारतीयको मृत्यु भएको र धेरै घाइते भएको एक भारतीय सैन्य अधिकारीले बीबीसीलाई बताएका छन्।
बीबीसीबाट