काठमाडौं - नेपाली बजारमा सुनचाँदीको मूल्यमा एकैदिन ठूलो गिरावट आएको छ । शुक्रबार सुनको मूल्य प्रतितोला ३ हजार २०० रुपैयाँले घट्दा चाँदी १०५ रुपैयाँले सस्तिएको छ ।

नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला २ लाख ८० हजार ३०० रुपैयाँमा कारोबार भइरहेको छ । बिहीबार सुनको मूल्य प्रतितोला २ लाख ८३ हजार ५०० रुपैयाँ थियो ।

त्यस्तै, चाँदीको मूल्य पनि घटेर प्रतितोला ३ हजार ८२५ रुपैयाँ कायम भएको छ । अघिल्लो दिन चाँदी प्रतितोला ३ हजार ९३० रुपैयाँमा कारोबार भएको थियो ।

सुन र चाँदी दुवैको मूल्य घटेसँगै शुक्रबार बहुमूल्य धातुको बजारमा गिरावट देखिएको छ ।