काठमाडौं - वीरगञ्जको सिर्सियास्थित सुक्खा बन्दरगाह भन्सार कार्यालयले चालु आर्थिक वर्षको पाँच महिनामा १९ अर्ब ७८ करोड मात्र राजस्व संकलन गरेको छ । जुन वार्षिक लक्ष्यको ३२.९४ प्रतिशत हो।

भन्सार प्रमुख धनबहादुर बरुवालका अनुसार विदेशी सामानको आयात घटेपछि राजस्वमा कमी आएको हो। पाँच महिनाको राजस्व संकलन गत वर्षको सोही अवधिको तुलनामा कम छ।

यस वर्ष मङ्सिरमा सबैभन्दा कम ३ अर्ब २२ करोड राजस्व संकलन भएको छ। गत वर्षको पहिलो पाँच महिनामा कार्यालयले २१ अर्ब ४ करोड संकलन गरेको थियो।