सल्यान - सल्यानको वनगाड कुपिण्डे नगरपालिका–१ अम्रास्थित छिन्चु–जाजरकोट सडकखण्डमा बोलेरो जिप दुर्घटनामा परी बेपत्ता भएका चालकको शव भेरी नदीमा फेला परेको छ।

साउन २७ गते दिउँसो लु.१ ज ३०२२ नम्बरको बोलेरो जिप दुर्घटना हुँदा चालकसहित दुई जना बेपत्ता भएका थिए। भदौ २ गते सुर्खेतको बराहताल गाउँपालिका–४ घुमाउनेस्थित भेरी नदीमा बेवारिसे शव फेला परेको थियो।

भदौ ३ गते दिउँसो ३ः४५ बजे उक्त शव सल्यानको कुमाख गाउँपालिका–५ निवासी करिब २१ वर्षीय बोलेरो चालक हिमराज बुढाथोकीको भएको उनकी दिदीले सनाखत गरेकी प्रहरीले जनाएको छ।

घटनाबारे थप अनुसन्धान भइरहेको छ।