काठमाडौं – अभिनेता राजेश हमालले देशको शासन प्रणाली ‘हिट एन्ड मिस’अर्थात् अन्दाज र परीक्षणको भरमा सञ्चालन गर्नु बुद्धिमानी नहुने बताएका छन्।

सामाजिक सञ्जालमार्फत आफ्नो धारणा सार्वजनिक गर्दै हमालले कुनै पनि राष्ट्रको भविष्य संयोगले नभई दूरदृष्टि, तथ्यमा आधारित निर्णय र दीर्घकालीन रणनीतिले तय हुने उल्लेख गरेका छन्।

उनले भविष्यप्रतिको स्पष्ट दृष्टिकोण र आगामी ५, १० वा २० वर्षको यथार्थपरक योजना बिना दैनिक व्यवस्थापनमै अल्झिरहने हो भने तीव्र गतिमा परिवर्तन भइरहेको विश्वमा देश प्रगतितर्फ होइन, ठप्प अवस्थातर्फ उन्मुख हुन सक्ने चेतावनी दिएका छन्।