कांग्रेस बैठकमा गगनको राजीनामा अस्वीकृत गर्ने प्रस्ताव पेस हुन्छ- विश्वप्रकाश
काठमाडौं - नेपाली कांग्रेसका उपसभापति विश्वप्रकाश शर्माले सभापति गगन थापाको राजीनामा अस्वीकृत हुने बताएका छन् ।
शुक्रबार बस्ने केन्द्रीय कार्यसमितिको बैठकमा सभापति थापाको राजीनामा पत्र र राजीनामा अस्वीकृत गर्ने प्रस्ताव पेस हुने शर्माले बताएका छन् ।
उनले बैठकमा निर्वाचनको प्रारम्भिक समीक्षा समेत हुने बताएका छन् । उनले ‘नैतिक जिम्मा लिन्छु’ भन्नू सकारात्मक भए पनि यतिबेलाको प्रधान नैतिक दायित्व स्थिति सम्हाल्ने रहेको उल्लेख गरेका छन् ।
‘डढेलो निभाउन पुगेको व्यक्तिलाई आगलागीकै दोष बोकाउनु न्यायसंगत हुँदैन’, शर्माले सामाजिक सञ्जालमा लेखेका छन् । निर्वाचनपछि पहिलोपटक कांग्रेस केन्द्रीय कार्यसमितिको बैठक भोलि शुक्रबार बस्दैछ । बैठकअघि नै सभापति थापाले चुनावी हारको नैतिक जिम्मेवारी लिँदै उपसभापति शर्मासमक्ष राजीनामा बुझाएका छन् ।
प्रकाशित मिति: बिहीबार, चैत ५, २०८२ २०:०१
प्रतिक्रिया दिनुहोस्
-1773928822.jpg)
साताको लोकप्रिय
