काठमाडौं -  प्रधानसेनापति खुला म्याराथन प्रतियोगितामा नेपाली सेनाका अमल्दार राजन रोकाय प्रथम भएका छन्। उनले ४२.१९५ किलोमिटर दूरी २ घण्टा १५ मिनेट ५३ सेकेन्डमा पूरा गरेका हुन्।

महाशिवरात्रि तथा नेपाली सेना दिवसको अवसरमा आयोजित प्रतियोगितामा सेनाकै खड्गबहादुर खड्का दोस्रो भएका छन्।

२१ किलोमिटर हाफ म्याराथनमा पुरुषतर्फ गजिन्द्र राई र महिलातर्फ सन्तोषी श्रेष्ठ प्रथम भएका छन्।

‘बलियो एकता, सुरक्षित राष्ट्र’ नारासहित आयोजित प्रतियोगितामा ४२.१९५ किमी म्याराथन, २१ किमी हाफ म्याराथन, १० किमी दौड तथा पाँच किमी वाकाथन समावेश थियो।