काठमाडौैं - सरकारले निपाह भाइरसको उच्च जोखिममा नेपाल पनि रहेको स्वीकार गरेको छ । 

स्वास्थ्य तथा जनसंख्या मन्त्रालयले आज विज्ञप्ति जारी गर्दै जोखिम स्वीकार गरे पनि नेपालमा हालसम्म निपाह भाइरसको संक्रमण पुष्टि नभएको स्पष्ट पारेको छ । 

मन्त्रालयले छिमेकी मुलुक भारतमा निपाह भाइरस देखिएकोले नेपाल पनि जोखिममा रहेको विषयलाई मध्यनजर गरिएको विज्ञप्तिमा लेखेको छ ।

‘...स्वास्थ्य तथा जनसङ्ख्या मन्त्रालयले उच्च सतर्कता अपनाएको छ। मन्त्रालयले सम्भावित जोखिम न्यूनीकरणका लागि देशभरका अस्पतालहरूलाई तयारी अवस्थामा राख्नुका साथै शङ्कास्पद बिरामीको नमुना सङ्कलन र परीक्षणको उचित व्यवस्थापन समेत गरिसकेको छ‚’ विज्ञप्तिमा लेखिएको छ।