१९ वर्षीया गर्भवती महिलाको हवाई उद्धार
काठमाडौं - ओखलढुङ्गाकी १९ वर्षीया गर्भवती महिलाको हवाई उद्धार गरी थप उपचारका लागि काठमाडौं ल्याइएको छ ।
महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयद्वारा राष्ट्रिय महिला सशक्तीकरण परियोजनाअन्तर्गत सञ्चालित हवाई उद्धार कार्यक्रममार्फत ती महिलाको उद्धार गरिएको हो ।
कार्तिक २६ गते ओखलढुङ्गाको सिद्धिचरण नगरपालिका–३ निवासी गर्भवती महिलाको स्वास्थ्यमा समस्या देखिएपछि मन्त्रालयको पहलमा हवाईमार्गबाट काठमाडौं ल्याइएको हो ।
दुर्गम क्षेत्रका जोखिममा रहेका गर्भवती तथा सुत्केरी महिलालाई समयमै उपचारको पहुँच सुनिश्चित गर्ने उद्देश्यले मन्त्रालयले हवाई उद्धार कार्यक्रम सञ्चालन गर्दै आएको छ ।
उक्त कार्यक्रमले भौगोलिक विकटताका कारण उपचार सेवाबाट वञ्चित हुन सक्ने महिलालाई आकस्मिक स्वास्थ्य सेवा उपलब्ध गराउन सहयोग गर्दै आएको छ ।
प्रकाशित मिति: शुक्रबार, कात्तिक २७, २०८३ १२:२४
प्रतिक्रिया दिनुहोस्
