काठमाडौं - कोशी प्रदेशका मुख्यमन्त्री हिक्मत कुमार कार्कीले फागुन २१ गतेको निर्वाचनको वातावरण बनाउन अदालतमा रहेको संसद पुनस्थापनाको मुद्दा चाँडो टुङ्गोमा पुर्याउन आग्रह गरेका छन् ।
बिहीबार विराटनगरमा आयोजना गरिएको शालिग्र्राम मन्जु दाहाल पत्रकारिता पुरस्कार २०८२ वितरण समारोहलाई सम्बोधन गर्दै मुख्यमन्त्री कार्कीले मुलुकको शान्ति सुरक्षाको अवस्थाका कारण निर्वाचनको वातावरण नबनेको अवस्थामा संसद पुनस्थापनाको मुद्दाले अन्यौल थपेको बताए ।
उनले निर्वाचन भएपनि मुलुकले राजनैतिक निकास नपाउने अवस्था रहेकोले अन्यौलको अवस्था चिर्न र निर्वाचनको वातावरण बनाउन राजनैतिक दलहरुको क्रियाशिलता बढ्नुपर्ने धारणा व्यक्त गरे । उनले संसद पुनस्र्थापना गरी संविधान संसोधन गरेर जेन्जीहरुको माग सम्बोधन गर्न सकिने बताए ।
कार्यक्रममा प्रेस चौतारी मोरङले स्थापना गरेको शालिग्राम मन्जु दाहाल पत्रकारिता पुरस्कार पत्रकार रेणु पराजुलीलाई प्रदान गरिएको छ । मुख्यमन्त्री कार्की लगायतले पत्रकार पराजुलीलाई नगद २१ हजार नगद सहित सम्मान पत्र प्रदान गरे ।
