सिरिया - सिरियामा शुक्रबार  मस्जिदमा विस्फोट हुँदा कम्तीमा ८ जनाको मृत्यु भएको छ भने करिब २० व्यक्ति घाइते भएका छन्।बिबिसीका अनुसार सिरियाको होम्स प्रान्तस्थित मस्जिदमा शुक्रबार प्रार्थना गर्न मानिस भेला भइरहेका बेला विस्फोट भएको हो। विस्फोट अलावी समुदायको बाहुल्य रहेको अल-दहाब क्षेत्रमा भएको हो।

सिरियाको सरकारी सञ्चारमाध्यमका अनुसार प्रारम्भिक अनुसन्धानले मस्जिदभित्र राखिएको विस्फोटक पदार्थका कारण विस्फोट भएको देखाएको छ।

होम्समा हालैका हप्ताहरूमा हत्या-हिंसाका घटना बढेका छन्। स्थानीयले थप सुरक्षा माग गरिरहेका छन्।