काठमाडौं - रेशम चौधरीको संरक्षकत्वमा कबिर सोप अध्यक्ष रहने गरी निर्वाचन आयोगमा दर्ता भएको नागरिक उन्मुक्ति पार्टी नेपालले दल दर्ताको प्रमाणपत्र पाएको छ । बुधबार रेशम चौधरी, कबिर सोप लगायतका अन्य सदस्यले आयोगमा गएर पार्टी दर्ताको प्रमाण पत्र बुझेका हुन् ।

यसअघि चौधरीले नागरिक उन्मुक्ति पार्टी गठन गरेका थिए । गत निर्वाचनमा सो पार्टीले ४ सिट ल्याएको थियो । पार्टी अध्यक्ष रञ्जिता श्रेष्ठसँगको किचलोका कारण चौधरीले नयाँ पार्टी गठन गरेका हुन् ।

त्यस्तै पार्टी दर्ता गर्दै उनले नेपालको हरेक शासन, हरेक निकाय हरेक तप्कामा सामान्य सिमfन्तकृत, आदिवासी जनजाति, थारु महिला पिछडिएका वर्गको सबैको सहभागिता हुन पर्छ  भन्ने उद्देश्यले नागरिक उन्मुक्ति पार्टी नेपालको जन्म भएको बताएका छन् ।

उनले विगतका दिनमा नागरिक उन्मुक्ति पार्टी गठन गर्दा पनि आफूले यिनै कुरालाई उल्लेख गरेको थिए तर कारण बस ती कामहरू पुरा नभएको अब पुरा गर्ने बताएका छन् । उनले वर्तमान परि पक्षमा अब हरेक नागरिकलाई न्याय दिन पर्ने भन्दै नागरिकलाई राज्यसँगको सहभागिता  गराउन आवश्यक रहेको उल्लेख गरे ।

‘धेरै नेपाली नागरिकलाई संविधान छ भन्ने थाहा छ तर संविधानमा आफ्नो हक र अधिकार लेखिएको नलेखिएको बारेमा थाहा छैन । हाम्रो देश नेपालको हरेक शासन, हरेक निकाय हरेक तप्कामा सामान्य भन्दा सामान्य सिमान्तकृत, आदिवासी जनजाति, थारु महिला पिछडिएका वर्गको सबैको सहभागिता हुन पर्छ  भन्ने उद्देश्यले नागरिक उन्मुक्ति पार्टी नेपालको जन्म भएको छ ।

विगतका दिनमा नागरिक उन्मुक्ति पार्टी गठन गर्दा पनि आफूले यिनै कुरालाई उल्लेख गरेको थिए । तर यी कुराहरु हामीले त्यहाँबाट पुरा गर्न सकेनौँ र वर्तमान परि पक्षमा हामीले अब हरेक नागरिकलाई हामीले न्याय दिन पर्छ, नागरिकलाई राज्यसँगको सहभागिता  गराउन पर्छ,’ उनले भने  ।